明星食品话呢款朱古力捞麵係为咗情人节而推出嘅特别版本，个包装又心心图案（係侧边）又红色丝带，真係好似一份要送俾人嘅情人节礼物咁。
个包装背面有个「一言Message」俾你拣，真係扮足情人节（日本情人节女仔要送朱古力俾男仔），由于我係「毒」自一人食，我唯有拣「自分用です」（自己食自己）。
打开包装见到内容包括：一饼麵，一包酱汁（咖啡拿铁味＋喼汁＋朱古力）、一包朱古力酱，以及一包粉（肉桂粉＋朱古力碎）。
好似普通煮麵先加热水
再倒热水出来，呢个时候心情好紧张，因为就快做勇者啦！
首先我落左包酱汁，同埋肉桂粉＋朱古力碎，有一阵香气扑味，但我讲唔出係咩香味，因为太多野混埋咗，分唔到 …
首先将以上2样野同d麵捞埋哂
再加朱古力酱，既然係情人节版本，我画咗个心心俾自己…（好毒呀）
最后将所有野再捞埋哂一齐！！！
试食报告：食落味道係又甜又鹹又酸（？）其实捞均之后已经无咩朱古力味，反而係个喼汁味＋肉桂好出，同平时係店食嘅捞麵好唔同，如果朱古力酱再多返少少去平衡下可能会好味（或可能会仲奇怪）。我食哂成盒，但就不会想再买多盒来食，觉得食一盒已经够啦（笑）如果情人节要送朱古力相关野俾人，买呢个嘅话应该会俾人闹到飞起（笑）
「一平ちゃん夜店の焼そば」
售卖地点：FamilyMart